Nakon sjajne sezone u kojoj je Debrecin izborio plasman u Evropu Cetinjanin Dušan Lagator produžio je ugovor sa mađarskim timom na još dvije godine.
Lagator je minule sezone bio jedan od od najstandardnijih u timu – 29-godišnji Cetinjanin upisao je 24 nastupa (od čega je na 19 bio starter), a iako je zadužen za defanzivne zadatke, postigao je dva gola, a onaj u posljednjem kolu protiv Ujpešta donio mu je status heroja.
Cetinjanin je ponikao u Lovćenu, nakon čeka karijeru gradio u Mogrenu i Titogradu.
Potom je nastupao za Čukarički, tri sezone je bio u Rusiji, potom je igrao i za Vislu iz Ploka.
Dušan Lagator bio je član omladinske, mlade i seniorske reprezentacije. Za našu ,,A“ selekciju upisao je devet nastupa.
