Autor 
Predstava “Novogodišnja bajka” izvedena je danas u JPU »Zagorka Ivanović«.
Scenografiju i kostime, prema riječima direktorice Maje Mićunović, izradile su vaspitačice koje su i glumile s djecom.
U našem vrtiću počela je čarobna “Novogodišnja bajka” koju su pripremila djeca i vaspitači iz naše Ustanove. Uz igru, ples i glumu koji su mamili osmijehe na dječijim licima, najavili smo i radost predstojećih praznika – objasnila je Mićunović.
Predstava je, kako ističe, izvedena u obje vaspitne jedinice za sve polaznike te vaspitno-obrazovne ustanove. Nakon predstave djeca starijih grupa nastupila su s recitacijama i plesnim koreografijama.
Naše veselje uveličali su i čelnici lokalne samouprave gradonačelnik Nikola Đurašković, zamjenica Ana Novović i sekretar Sekretarijata za lokalnu samoupravu i društvene djelatnosti Savo Borozan. Oni su, kao i svih ranijih godina, donirali novogodišnje paketiće za svu djecu našeg vrtića. A da dječija radost bude još veća, pobrinuo se i naš dragi Djeda Mraz! – kazala je Mićunović.
