Skip to content

Radulović: Potraga za djetetom koje je upalo u Ribnicu biće nastavljena i tokom noći

RTV Cetinje•Hronika••
Radulović: Potraga za djetetom koje je upalo u Ribnicu biće nastavljena i tokom noći

Satima spasilačke ekipe čamcima pretražuju više lokacija od naselja Konik do Skalina kako bi pronašli šestogodišnje dijete koje je danas upalo u rijeku Ribnicu. Komandir Službe zaštite i spašavanja Podgorica Marko Radulović, koji i koordinira akcijom potrage za nestalim dječakom, kaže da nema noviteta, te da će se potraga nastaviti i tokom noći.

”Nažalost, u ovom momentu nemamo nikakvih noviteta. Naše jedinice su rasprostranjene duž rijeke Ribnice”, kazao je Radulović za TVCG.

Prvi poziv je stigao 14:08 sati.

“Gdje smo uputili jedan broj ekipa, a poslije smo to i pojačali jer, nažalost, nisu urodili plodom. Mi nastavljamo cijelu noć da tragamo za djetetom.
Radi se o djetetu starosne dobi šest godina, i nažalost, od 14:08 do sada nema pomaka”, kazao je komandir.

Ekipe su raspoređene od mjesta gdje je prijavljen nestanak djeteta do samog ulivanja u rijeku Moraču.

“Čak smo pozvali i dodatne snage, dodatne jedinice iz smjena koje treba da dođu, koje su, recimo, sjutra na poslu. Tako da radimo sve što je u našoj moći da nađemo dijete. Takođe, danas u toku dana su pripadnici Ministarstva unutrašnjih poslova su svoje snage stavili na raspolaganje, pomagao je i jedan broj građana, kojim ovim putem želim da se zahvalim”, rekao je on.

Ističe da se traganje nastavja dok ne pronađu dijete.

“Nažalost, kažem narednim danima kao najgorem scenariju, ali, eto, cijelu noć ćemo da tražimo i sjutra dan, da vidimo hoćemo li naći ovo dijete, jer, nažalost, do sada su sve manje šanse da je preživi”, rekao je Radulović.

Policiji su građani prijavili da su vidjeli kako je dijete upalo u rijeku. 

Prema informacijama iz policije, dijete ima šest godina. 

Vatrogasci su raspoređeni na tri lokacije – kod Skalina, Kapadžića mosta i na Koniku.

Situacija je veoma složena, zbog visokog vodotoka i brzine rijeke u pojedinim djelovima.

IZVOR: RTCG

Autorski sadržaji sa portala Cetinjskilist.com u drugim medijima smiju se prenositi bez prethodnog dopuštenja (osim ako drugačije nije navedeno).

Obavezno je navođenje izvora, autora i veze (“linka”) na izvorni sadržaj u novinarskom prilogu u kojem se poziva na autorski sadržaj s Cetinjskilist.com.

Veze (“linkovi”) na autorski sadržaj, pripadajući naslovi i eventualno drugi djelovi opreme teksta mogu se slobodno objavljivati ali bez ikakvih izmjena. Nije dopušteno mijenjanje smisla citata izvan konteksta, niti korištenje sadržaja u reinterpretiranom obiku. Ova pravila važe i za prenošenje sadržaja na Facebook i drugim platformama.

Cetinjskilist.com ne preuzima bilo kakvu odgovornost s obzirom na korištenje sadržaja od trećih osoba.