Muška rukometna reprezentacija Crne Gore nalazi se u četvrtom šeširu pred predstojeći žrijeb za Evropsko prventstvo.
S obzirom da su propustili šansu da barem remijem sa Bosnom i Hercegovinom u posljednjem kvalifikacionom meču osvoje drugo mjesto u grupi, popularni “lavovi” će na žrijebu 10. maja u Dizeldorfu, od 17.45 časova, umjesto iz trećeg, biti izvučeni iz posljednjeg šešira.
Prvi šešir: Švedska, Španija, Danska, Francuska, Norveška, Island.
Drugi šešir: Njemačka, Holandija, Slovenija, Mađarska, Portugal, Austrija.
Treći šešir: Hrvatska, Bosna i Hercegovina, Poljska, Češka, Srbija, Sjeverna Makedonija.
Četvrti šešir: Švajcarska, Rumunija, Crna Gora, Grčka, Gruzija, Farska Ostrva.
Žrijebom će biti određeni sastavi šest grupa sa po četiri tima, a već je poznato da će Njemačka igrati u grupi A u Diseldorfu (prvi meč) i Berlinu, Hrvatska u grupi B u Manhajmu, Island u grupi C (Minhen), Norveška u grupi D (Berlin).
Aktuelni šampion Evrope Švedska grupnu fazu će igrati u grupi E u Manhajmu, dok će prvak svijeta Danska biti smještena u grupu F u Minhenu.
Plasman u glavnu rundu izboriće po dvije prvoplasirane selekcije.
Evropsko prvenstvo zakazano je od 10. do 28. januara u Njemačkoj.
