Šampionska vožnja Norisa u Mađarskoj
Reuters
Vozač Meklarena Lando Noris drugu godinu zaredom slavio je na trci Formule 1 za Veliku nagradu Mađarske. Aktuelni svjetski prvak stigao je na stazi Hungaroring do prve pobjede u sezoni, a ukupno 12. u karijeri.
Slavlje Meklarena ipak nije bilo potpuno, pošto je Oskar Pjastri 14 krugova prije kraja morao da odustane zbog problema sa mjenjačem, i to u trenutku kada je držao drugu poziciju.
Drugo mjesto pripalo je vozaču Red Bula Maksu Ferstapenu, dok se na treću stepenicu pobjedničkog postolja popeo Andrea Kimi Antoneli iz Mercedesa, koji u dosadašnjem dijelu sezone ima šest pobjeda.
Četvrtu i petu poziciju zauzeli su vozači Ferarija Šarl Lekler i Luis Hamilton. Šesti kroz cilj prošao je Isak Hadžar (Red Bul), a sedmi Džordž Rasel (Mercdes). Bodove na Hungaroringu osvojili su još Lijam Loson (Rejsing Buls), Niko Hulkenberg (Audi) i Arvid Lindblad (Rejsing Buls).
U generalnom plasmanu vodeći je Antoneli sa 219 bodova, ispred Hamiltona koji ima 169 i Rasela sa 160 bodova. Lekler je četvrti sa 138, dok Noris na petom mjestu ima 128 bodova.
U Šampionatu Formule 1 slijedi ljetnja pauza, a naredna trka vozi se 23. avgusta na stazi Zandvort za Veliku nagradu Holandije.
Obavezno je navođenje izvora, autora i veze (“linka”) na izvorni sadržaj u novinarskom prilogu u kojem se poziva na autorski sadržaj s Cetinjskilist.com.
Veze (“linkovi”) na autorski sadržaj, pripadajući naslovi i eventualno drugi djelovi opreme teksta mogu se slobodno objavljivati ali bez ikakvih izmjena. Nije dopušteno mijenjanje smisla citata izvan konteksta, niti korištenje sadržaja u reinterpretiranom obiku. Ova pravila važe i za prenošenje sadržaja na Facebook i drugim platformama.
Cetinjskilist.com ne preuzima bilo kakvu odgovornost s obzirom na korištenje sadržaja od trećih osoba.
