Nakon višesatne potrage, pripadnici Službe zaštite i spašavanja Prijestonice Cetinje pronašli su troje turista iz Francuske koji su se izgubili u predjelu Cuca, u mjestu Prentin Do.
Prema riječima načelnika te službe Miloša Ćećanovića, francuski turisti nijesu bili povrijeđeni, a informaciju o njihovom nestanku dobili su od kolega iz Sektora za vanredne situacije.
Dobili smo dojavu sinoć u 23 sata i 58 minuta, a potom smo krenuli u potragu. U 3 sata i 15 minuta smo ih locirali i pronašli. Turisti su se izgubili jer ih jer navigacija navela na pogrešan put. Pronašli smo ih na makadamskom putu, gdje im je pukla guma na autu nakon čega su ostali dezorjentisani – kazao je Ćećanović.
