Autor 
Iran je nakon višemjesečnih protesta, u kojima je ubijeno više od 300 ljudi, odlučio da popust i ukine moralnu policiju.
“Moralna policija nema nikakve veze s pravosuđem” i zbog toga je ukinuta, rekao je glavni iranski tužilac Džafar Montazeri, a prenosi AFP.
“Moralna policija raspuštena je, ali će se i dalje pravosudna vlast baviti tim društvenim izazovom”, citirao je list Shargh glavnog državnog tužioca Mohameda Džafara Montazerija. Nijesu navedeni nikakvi detalji o okolnostima odluke.
“To je samo prvi korak”
Režimski kritičari su sa strahom reagovali na tu objavu. Problem nije u ćudorednoj (moralnoj) policiji, već u zahtjevu za nošenjem hidžaba, tvitao je jedan aktivista. “Žene se moraju slobodno kretati bez marama”, rekao je, napominjući da bi to bio “samo prvi korak”.
Posmatrači kažu da, iako raspuštanje ćudoredne policije ne znači kraj obveznog nošenja marama, ono predstavlja značajan korak u uspjehu ženskog pokreta u Iranu.
Preispituje se i zakon o obaveznom nošenju hidžaba
Uz to, Iran je saopštio i da će preispitati dugogodišnji zakon koji od žena zahtijeva pokrivanje glave. Protesti su preplavili Iran nakon smrti 16. septembra u pritvoru Mahse Amini, 22-godišnje Iranke kurdskog porijekla koju je moralna policija uhapsila zbog navodnog kršenja tog šerijatskog zakona.
Hidžab je postao obavezan za sve žene u Iranu u oktobaru 1983., četiri godine nakon Islamske revolucije kojom je svrgnuta monarhija koju je podržavao SAD. To ostaje vrlo osjetljivo pitanje u zemlji u kojoj konzervativci insistiraju da bi hidžab trebao biti obvezan, dok reformisti to žele prepustiti individualnom izboru.
Izvor:Index.hr
